SAFARI RASUL

DESIR PANTAI

“ SAFARI RASUL “

Oleh : Shaff Ra Alisyahbana

Bismillahi, Assalamu ‘alaikum w.w.

Sanak , Dosanak dan Badosanak siswa siswi SMPN 1 Natal.

Dalam rangka memperingati Isra’ Mikraj Nabi Muhammad SAW serta penyambutan bulan suci Ramadhan 1432 Hijriah, kami tampilkan acara Babaleh Pantun dalam Dendang Pesisir Pantun Berantai ( DESIR PANTAI ) nan diberi judul oleh Angku Kantin  “ SAFARI RASUL “.

Salamat Mandangakan… !!!

Kelompok I :

Mulo Bismillah kami bukak

Alhamdulillah panyudahnyo,

Dangakan pantun Ibu jo Bapak

Kami sampeikan ambiek eloknyo.

Kelompok II :

Kami anak murid sikolah

SMP satu Nagari Nata ,

Jikok ado pantun nan salah

Maapkan kami, itu nan bana.

Kelompok I :

Oi Sanak !! Dalam mamparingekti Isra’ Mikraj Nabi Muhammad SAW ko, marilah kito babaleh pantun.

Kelompok II :

Jadi Sanak. Indak baa do. Tapi bapantun sasuei jo kadaan paringektan nan kito adokan ko. Cubolah Sanak !!

Kelompok I :

Cubo jawab pantun kami ko.

Raun barombongan ka Patiluban

Tibo manurun di Tapian Batu ,

Tiok tahun di adokan paringektan

Apo tujuannyo Isra’ Mikraj tu ?

Kelompok II :

Apo pulo lei tujuannyo mamparingekti Isra’ Mikraj tu. Iko kan Syi’ar Ugamo Islam kito. Waloupun iko bukan sunnah Nabi, tapi di pelok dek Sultan Salahuddin Al-Ayyubi dek karano wakatu itu alah banyak Muslim nan buto. Tapi…., iko jawabnyo Sanak  ‘a :

Malako urang bakabun

Badakek jo rimbo transmigrasi ,

Mangko di adokan satiok tahun

Ma ingek kado di tarimo Nabi.

Kelompok II :

Aaa…., apo pulo kado tu Sanak ? Iko baru tadanga di kami ado pulo kado nan diabok Nabi dari Isra’ Mikraj tu.

Kiniko Sanak, kami pulo manjua pantun dakek Sanak.

Cubo dangakan pantun kami ko tantang curito Isra’ Mikraj nan di paton tonkan dek Allah wakatu Isra’ Mikraj Nabi Muhammad SAW.

Apo makasuiknyo tamsilan ko Sanak ?

  

Basawah uci di hutan Cilacap

Marunuik rimbo samak-samak ,

Mikraj Nabi di bulan Rajab

Manjapuik kado Isra Mikraj.

Kelompok I :

Tapek tu Sanak. Jadi ….Sanak sato manarimo kado tu ? Iko pantun kawan sa iriengnyo ‘ a. Dangalah …

Rimbo katuko di Banjaragam

Badakektan samo jo Sumuo Batu ,

Tandonyo kito ummat Islam

Tagakkan Shalat limo wakatu.

Kelompok II :

Ba’a kato kami Shalat, Sanak ? Nanggaek indak ma agie contoh do. Nan ka dicontoh tu bana indak ado do. Untuong ado palajaran di sikolah ko.

Kini ko Sanak , kami pulo manjua pantun . Lai bulie ko ?

Kok iyo Sanak anak sikolah nan tau ba ugamo…, Jawablah !!!

Sitarak mangalam padi

Banyak gagak lalu sajo ,

Israk di malam hari

Sanak Israk wakatu pabilo ?

Kelompok I :

Ee..e….e….manga pulo Israk awak ? Nan Israk tu kan Nabi nyo. Baa pulo tu. Tapi …., iko jawabnyo  a’aaa..

Gagak pai ka marapalam

Inggok ba limo di jaruju ,

Israk Nabi wakatu malam

Kito Israk manimbo alemu.

Kelompok II :

Ooo…oo..iyo, pandei Sanak manjawab deh. Indak sio-sio Ayah  Umak jo Bapak Ibu Guru ma aja kito di sikolah ko.

Tapi Sanak , jangan salah ma artikan Israk tu untuok mangalala wa, ndak ! Dak elok kito patandang do. Ilie mudiek ka sinin ka siko mampakecekkan kawan sajo.

Sikok mambubuong wakatu subuoh

Tanaman palo barareikan ,

Satiok di kuduong lidah manjuluoh

Tamsilan apo di agie Tuhan ??

Kelompok II :

Eeee……..itu iyo tu. Tiok manjuluoh di kuduong baliek. Sakik tu na. Tantu dek panjang lidahnyo tu, ndak ?  Iko jawanyo…aa.

Buah kapunduong di batang batiek

Kalimpanang sato manjala ,

Lidah dikuduong ka panjang baliek

Itulah urang nan ma adu domba

 

Iko ado pulo tamsilan nan di patontonkan dek Allah wakatu Isra’ Mikraj tu. Apo makasuiknyo, kok iyo Sanak pandei.

Batang tarok di radah sanjo

Banyak di hutan sasok Tapui ,

Barang di baok di tambah juo

Indak tababani di baok tarui.

Kelompok I                : Indak baban batu di galeh namonyo tu !

Kelompok II              : Indak. Salah tu !

Kelompok I                : Urang mancari-cari karajo, ndak ?

Kelompok II              : Indak  !! Ba’a….., kombolan ..ndak !

Kelompok I                : Mungkin iko jawabnyo, Sanak …

Asak sipadan di raok banto

Papan di pasang di jambaktan ,

Indak ta baban di baok juo

Itulah urang nan gilo jabatan

Kelompok II :

Tapek bana tu Sanak. Jaman kini ko itulah nan popular bana. Bia abih kepieng, asal dapek jabatan.

Kelompok I :

Tapi Sanak, kok lah dapek jabatan tu, tabukak jambaktan. Jabatan tu kan jambaktan untuok mandapek !

Kelompok II :

Mandapek ba ‘a ko Sanak !

Kelompok I  :

Pandei-pandeilah Sanak manafsirkannyo. Yo…,ndak ?

Kelompok I dan II :   Haa….haaaa…haa….. Antahlah.

Kelompok I :

Aaaa…. Iko. Sabalun kito tutup jo pantun khusus, mari kito babaleh pantun sabuah sorang lai.  Baa…., satuju .!

Bersama-sama :   Seetujuuuu……..

Kasawah pai ma elo kanso

Manga di latak di palakuiknyo ,

Sabanta lai kito nan ka puaso

Ba a ko Sanak manyambuiknyo ??

Kelompok II :

Ooo..ooo., Puaso awak. Puaso urang puaso awak.

Kelompok I :

Jangan puaso iruok-iruok dak. Siang ari singkok pariuok !

Kelompok II :

Ko jawabnyo a’a..      

Ari patang babuni cancebo

Ma imbou- imbou di di tapi pasie ,

Pagi urang nan ka puaso

Balimou – limou ka Pasie Ayie.

 

Kelompok I :

Eee……..ee…., ambiek kasampatan yo ! Dirumah sajo balimuo tub a ‘a ?

Kelompok II :

Ba a pulo tu, tapi awak nandak bakawan-kawan ! Lagi diajak Ayah jo Umak sarato adiek kakak kasadonyo. Awak ajo nan indak pai.

Kelompok I :

Pai bana Ayah jo Umak, tibo bulan puaso, indak puaso do. Banyak alas an di peloknyo. Nan kasawah lah, kaladang lah, kalauiklah…, banyak !

Lagi pulo, balimou-limuo tu indak budayo kito do. Budayo urang Hindu tu !

Kelompok II :

ntahlah….. Alah tabiaso.

Kini ko baitu lah. Untuok panutup Desir Pantai ko, mari pulo kito sampeikan sabuah sorang lai pantun khusus. Ambo dolu yooo…

Di subarang tanam ambacang

Alah masak di kubak ti ,

Salah urang jangan di bincang

Salah awak ka di pelok ki.

Rancak ba buru ka Sawah Lambah

itanyokan dakek ka angku Pe ES ,

Pintak ka guru nan ma aja

Utamokan buku Paket pado Elkaes.

Situmalas baranti di jalan

Sakilo meter batu di gilas ,

Tantu kelas jadi restoran

Jaga sa meter ka pintu kelas

Baokkan nasi tanak silua

Pamakannyo jo uwok umbuik ,

Ba akan kami indak kalua

Pintu mangango satiok suduik

Anak barabah di batu sirah

Capo mati di pijak kudo ,

Anak sikolah dolu bajama’ah

Mangapo kini indak ado ?

Dolu sumpiktan tembak barabah

Sinjato api dak ado lai ,

Dolu paringektan diadokan lomba

Mangapo kini indak ado lai

Binalu batang bakarawei

Tabaliek sabalah ka Utaro ,

Kok lalu urang pai tarawei

Tacaliek sikolah kalam buto

Buruok bana baju piyama

Sabalah lua batumbok kain ,

Masuok ma aja guru Agama

Disuruoh kalua ugamo lain

 Akienyo pantun kami :

                                   Dari kabun pai sikolah

                                   Acok di strap kami di bentak ,

                                   Kok ado pantun kami nan salah

                                   Rila jo map nan kami pintak

Sakian sajo ,  Assalamu ‘alaikum w.w
Ranah Nata, 28 Kandughigadang 1432 H.

Salamat Manuneikan Ibadah Puaso Ramadhan 1432 Hijriah.

SHIYAM

SYARIAT HUKUM IBADAH YANG ALLAH MENERIMA

Oleh : Shaff Ra Alisyahbana

Shiyam ...

Syariat Hukum Islam

Yang Allah Menerima...., faham ?

Beda ibadah lainnya dengan Shiyam

Mulut dishiyam minum dan makan

Mata dishiyam dari pandangan

Telinga dishiyam dari pendengaran

Tangan dishiyam dari jangkauan

Fikiran dishiyam dari penipuan

Nafkah dishiyam dari korupsian

Shiyam dari segala perbuatan

Yang tak diridhoi oleh Tuhan

Shiyam , ibadah puasa

Langsung di terima oleh Allah

Agar kita tahu rasa

Penderitaan para Golekmah

Berjuang bersama kaum dhu’afa

Supaya tersentuh kalbu si kaya

Untuk memberi insan sesama

Kelak .... Allah memberi beribu fahala

Shiyam....

Syariat Hukum Islam yang Allah menerima

Beda dengan Rukun Islam yang lima

( SRY – 20072011 )

Dibacakan oleh : Nurhasanah

MUSAFIR ANTARIKSAWAN

02.0517.42443

Oleh : Shaff Ra Alisyahbana

Subhanallah  ...

Nabi Muhammad musafir

Ditengah kebohongan orang-orang kafir

Mengaku beriman, lalu mungkir

Dikata sihir..., karena diluar fikir

Nabi Muhammad pun di usir

Hingga Jibril datang mentraktir

Dari Al- Haram ke Al-Aqsha dia musafir

Keberkatan sekelilingnya semilir mengukir

Antariksawan berkendara Bouraq

Musafir ke antariksa berjuta mil jarak

Mikraj kehadapan Al- Khalaq

Menjemput Shalat yang mustahaq

Orang-orang kafir tertawa terbahak-bahak

Mendustakan peristiwa yang haq

Antariksawan membawa perbersih akhlaq

Hingga sang mertua Abu Bakar bertindak

Ash – Shiddiq gelar yang berhak

Itulah peristiwa Mikraj wal Israk

Musafir antariksawan

Anda bisa baca dalam Kitab Al-Qur’an

Aneka tamsilan di televisikan

Untuk jadi pertimbangan

Sudah berat di tambah beban

Lidah di potong di sambungkan

Itulah Namimah dan orang-orang gila jabatan

Ibadah Shalat, utama yang diperhitungkan

Nol dua ,nol lima dan tujuh belasan ..

Empat dua, empat empat tiga , kontak ummat kepada Tuhan

Apakah sudah kita laksanakan ???

( SRY – 28072011 )

Dibacakan oleh : Nadillan Rifani dan Franky Alexander 

Desir Oantai dan Puisi disampaikan pada

Peringatan Isra' Mikraj dan Penyambutan Bulan Suci Ramadhan 1432 H.

tgl.30 Juli 20011 di SMP Negeri 1 Natal.

SITI MALOK

SITI MALOK

Oleh : Shaff Ra Alisyahbana Dt Malako

Siti Malok ....

tiok ari mancogok

siang mati malam mangolok

tapaso dipasang lampu togok

Siti Malok .....

mungkin kalou di pelok

inyo bisa jadi manyolok

tarang bundarang tiok singok

Reff .. > Siti Malok ...

Siang Mati Malam Mangolok

Kadang darah tasirok

SISARAN SIRAH jadi pokok

Ondei Sanak nan Operator

Simpan karajo sabalun error

Isi miak colok jo obor

Sabanta lai tanah kan lonsor

Soorrr... soorrr...... Siti Malok maneror.. 2 x

( SRY - 220711 )

AYIE SAMBILAN

Oleh : Shaff Ra Alisyahbana Dt Malako

Biaso mandi yo katapian

Mandi di sumuo jo batang ayie,

Kok lah ditampuoh ayie sambilan

Hiduik abih di ateh dunie

Ayie sambilan mandikan badan

Badan di saok kain panuri ,

Sanak sudaro nan mamandikan

Kain kafan salimuik diri

Reff.. Sabalun didirui ayie sambilan

Diruilah badan ayie sumbayang ,

Amal ibadah jaan luipokan

Baka diri untuok ka pulang

Ayie sambilan pandirui diri

Sasudah urang nan mamandikan ,

Tobatlah kini sabalun tajadi

Indak guno sasa di kudian

( SRY – 190404 )

ACOK TALAMBEK

Oleh : Shaff Ra Alisyahbana Dt Malako

P >  Oi uda nan ambo sayang

Manga acok talambek pulang

Jikok alah sudah sumbayang

Lakelah pulang adiek langang

L >   Jangan adiek salah paham

Tapi lampu acok padam

Tiko sumbayang inyo kasam

Cando bukan urang Islam

P/L  >  Kok pai sumbayang subuoh )

Jan lupo mambaok suluoh ) 2 x

P  >  Malam acok mangalalawa

Lewa mancari lampu togok

Miak lampu batambah maha

Lampu listrik matinyo acok

L  _ Nan bedo baok batanang

Bialah urang takananang

Kadang pakake acok tapanggang

Dek kayu banyak tajungkang

( SRY – 021205 )

SHAFF TIGO

Oleh : Shaff Ra Alisyahbana Dt Malako

Kaburo maktan indallah

‘an taqulu mala taf’alun

Gadang doso dakek Allah

Mangecek alah babuek balun

Dirumah do’a balento

Dilapou banyak curito

Mangecek gantang pahalo

Pabuektan banyak doso

Reff.. Sadarlah wahei manusia

Sasuei kato jo pabuektan

Ingeklah firman Allah

Ash-Shaf tigo dalam al-Qur”an

Ukuolah badan jo bayang

Lain biduok kalang dilatak

Caliek lilin badan tapanggang

Sakulilieng tarang bagalak

( SRY – 190706 )

DUO METER

Oleh : Shaff Ra Alisyahbana Dt Malako

Urang paladang mamatiek kacang

Jamuoh di paneh nan manggalanggang

Isi malantieng kulikpun ranggang

Lapiek jamuran tingga balangang

Suaro mirieng ba spekulasi

Lupo di kulik pambungkui isi

Kecek baburei lah lupo diri

Pasan dikirim takana sampei mati

Reff.. Ado dak ado musti ado

Indak rila sampei mati

Dak tau adat manggadang diri

Kain duo meter di suruoh bali

Purak-purak ma apui jajak

Nan palarei didalam cakak

Sampei mati dak talupokan

Imboan apak ganti jo kalian

( SRY – 050306 )

M A N G A

Oleh : Shaff Ra Alisyahbana Dt Malako

Ayah Manga iko kau baru pulang

Tiok hari pai batandang

Nan dirumah cumpang purenang

Mangapo indak pai kaladang

Ibu Uda asyik di lapou kopi

Saban hari pai ma ota

Alah lupo di anak bini

Manga dak pai cari napkah

Anak Ayah jo Umak manga batangka

Umak patandang Ayah pa ota

Elok kaladang Umak basawah

Ayah kalauik mancari napkah

Ayah/Ibu Sorang dilauik sorang didarek

Itupun kadang payah dapek

Anak Bialah Upiek pai sikolah

Untuong isuok hiduik barubah

Dapek karajo di Pamarentah

Ayah jo Umak indaklah susah

( SRY – 310306 )

TABUONG ANYUIK

Oleh : Shaff Ra Alisyahbana Dt Malako

Talatak kopi samangkuok

Sambie maetong tabuong anyuik

Mulei ma ota ayie di raguok

Anak dirumah karuncang paruik

Ota kasinin ota kasiko

Putui sidang di lapou kopi

Alasan indak dapek karajo

Itu mangkonyo indak mancari

Reff.. Daripado duduok di lapou

Eloklah pai baladang

Karukuik tanah di kusou

Hasienyo pa isi uncang

Sanak ambo koum lilaki

Bak itu juo nan padusi

Eloklah kito pai batani

Pado laruik di lapou kopi

( SRY – 290306 )

N A M I M A H

Oleh : Shaff Ra Alisyahbana Dt Malako

Sambie duduok di janjang

Cari-carian kutu

Samo pakecekkan urang

Siapo sajo nan lalu

Ma adu sampeikan kecek

Indak ba basuoh karayie ketek

Kaduonyo azablah dapek

Didalam kubuo lacuik balinek

Reff.. Iyo.....u’...u’ iyo lana

Kecekakkan urang dimano sajo

Itu namonyo Namimah

Tasadio tampek di narako

Wahei koum nan padusi

Ubah lako jadi Namimah

Jangan itu nan di urusi

Elok kaladang atuo kasawah

( SRY – 290306 )

M A B U O K

Oleh : Shaff Ra Alisyahbana Dt Malako

Untuok ma ilangkan suntuok

Minum tuak saraguok

Nan rancak tu bisa buruok

Awakpun bisa mananduok

Buek diri bagak malasang

Parangei cando binatang

Bisa malangga larangan

Narako tampek panampuongan

Reff... Minum saloki mabuok satangki

Tenggenpun bisa manjadi-jadi

Abih malu harago diri

Lupo ingektan pado Ilahi

Mabuok mambuek diri bagak

Dimanopun bisa bacakak

Waloupun diri malangga sarak

Dalam narako diri tacampak

( SRY – 290306 )

SIMBANG RAPEK

Oleh : Shaff Ra Alisyahbana Dt Malako

Uda pandei simbang rapek

Kamano sajo mamukek

Iko dapek sinin dapek

Nan kempui atou nan padek

Uda salero jambaktan

Sia nan lalu di takan

Nan baru atou ronsokan

Kasadonyo uda makan

Reff.. Simbang rapek....2 x

Tonde keda kanan dapek

Baganti –ganti cewek

Kasadonyo alah tajerek

Bacinto bulie sajo

Pacaran jangan di cubo

Bacinto janjang rumah tanggo

Pacaran jurang bancano

( SRY – 290306 )

BUAH CIME’EH

Oleh : Shaff Ra Alisyahbana Dt Malako

Calieklah Ayah jo Umak

Kawan Upiek babaju rancak

Awak babaju cabiek batumbok

Samo keda mamakei solop

Pai bamain dakek jo kawan

Urang nan manggalakkan

Caci maki dak tadangakan

Taradok Ayah di cime’ehkan

Reff.. Ayah palasek Umak pamaleh

Kecek kawan buah cime’eh

Mangko bansat nasib kito

Ayah nan indak bakarajo

Jua bareh pambali kue )

Itu tando Umak pamaleh ) 2 x

Iyo juo nan kecek kawan

Eloklah Ayah maubah nasib

Upiek dak tahan di cime’ehkan

Supayo Upiek bakawan karib

( SRY – 280306 ).

GADIH RANAH NATA

GADIH RANAH NATA
oleh : Shaff Ra Alisyahbana Dt Malako

Bismillahir Rahmanir Rahiem
Assalamu ‘alaikum w.w.
Ba’dassalam, untuk pengisi dari Qalam Shaff Ria Nata, berikut ini kami tampilkan lagu Daerah Ranah Nata dalam judul “ GADIH RANAH NATA “ yang terdiri dari :

Gadih Nata
Gadih Patiluban
Gadih Batahan
Gadih Linggo Bayu
Gadih Tamang
Gadih Singkuang
Gadih Bintue
Gadih Buburan
Gadih Kukun
Gadih Sinunukan
Gadih Tabuyuong
Gadih Palak Taleh
Gadih Taluok Balei
Gadih Sundutan Tigo
Gadih Batu Sondat
Gadih Batu Mundam
Gadih Sijantuong
Gadih Tompek
Gadih Batang Kapeh

Kiranya bisa menambah Khazanah Blantika Lagu Daerah Nusantara khusus dari Daerah Ranah Nata yang berbahasa Melayu Pesisir ( MESIR ).
Selamat Membaca !!!

Gadih Nata
Oleh : Shaff Ra Alisyahbana Dt Malako

Sungguoh rancak di gadih Nata
Suko sanyum jo ramah tamah
Manarawang manyulam jaiktan
Gadih bundo dalam pingiktan

Gadih Nata mandanga kato
Indak suko pai manjojo
Litak manyulam jo marendo
Asyik di dapuo manolong Bundo

Reff.. Gadih Nata rancak manawan
Elok parangei indak malawan
Jikok jodoh nan di carikan
Nan sasuei jo sapadan

Gadih Nata indak patandang
Atoupun suko malenjang
Pabilo hari alah patang
Masuok Mugarib pai sumbayang

( SRY – 220605 )

Gadih Patiluban
Oleh : Shaff Ra Alisyahbana Dt Malako

Oi adiek gadih Patiluban
Dimano kini adiek barado
Alah litak diri bajalan
Mancari adiek nan di cinto

Dari Nata ka Batu Gajah
Dari Batahan ka Singkuang
Adiek dicari sungguohlah payah
Diri ko kini raso tabuang

Reff.. Adiek sayang gadih Patiluban
Taragak ambo di Panggautan
Bilo ko cinto kasampeian
Cando pungguok ridukan bulan

Eloklah adiek pulang kampuong
Maubek taragak nan di kanduong
Baralek kakok ka bakarajo
Adiek ka jadi si anak daro

( SRY – 010406 )

Gadih Batahan
Oleh : Shaff Ra Alisyahbana Dt Malako

Gadih Batahan
Sungguoh rancak manawan
Siang malam ndak talupokan
Dalam tiduo jadi rasian

Gadih Batahan parangei elok
Hanyo nampak di baliek tingkok
Kurang tahu cogok mancogok
Banyak manggoda dari singok

Reff.. Gadih Batahan iru-iruan
Kadang kalah di pancaharian
Kok indak dek taguoh iman
Indak lamo di parinduan

Gadih Batahan kamek mamikek
Lenggang lenggok tampak padek
Awas – awas kalou mandakek
Jatuoh cinto baok baralek

( SRY – 280605 )

Gadih Linggo Bayu
Oleh : Shaff Ra Alisyahbana Dt Malako

Gadih manih Linggobayu
Salah mandakek jikok marayu
Bak manisan di dalam madu
Bak mantiko di lubang batu

Lenggang lenggok pandei maliuok
Bak galundang di dalam galuok
Pandei batanak di pariuok
Manggulei sayuo parancah lauok

Reff .. Oh...gadih manih Linggobayu
Kini hati alah tatumpu
Kok Ayah Bundo dapek restu
Urang tuo bo dapek minantu

Rambuik panjang elok tajurei
Kabaya panjang jilbab manjulei
Jikalou kato alah sasuei
Nan ka ba pinang sasudah tuei

( SRY – 280605 )
Gadih Tamang
Oleh : Shaff Ra Alisyahbana Dt Malako

Sungguoh rancak si gadih Tamang
Suko marendo jo manarawang
Jikok hari alah patang
Duduok di dapuo jauoh pandang

Gadih Tamang pandei balagu
Suaro rancak dayu mandayu
Banyak lilaki nan tarayu
Jatuoh cinto manjadi laju

Reff... Gadih Tamang indak pamberang
Dek karano suko sumbayang
Indak mau pai batandang
Bia dirumah jo pamedang

Gadih Tamang pandei malenggok
Cando itiek pulang patang
Sia mamamndang hati dak elok
Siang malam tabayang-bayang

( SRY – 200611 )

Gadih Singkuang
Oleh : Shaff Ra Alisyahbana Dt Malako

Gadih Singkuang di Mubadis
Elok pasangan jadi harmonis
Suko basawah jo kaladang
Sambie manggaro manarawang

Rancak sungguoh gadih Singkuang
Ka induok bareh tantulah jenang
Suko sanyum tasengieng ramah
Rancak budi ta’at ka Agama

Reff... Ondei.... si Batu Ajuong
Baok pasan ka Singkuang
Bukan ambo mau manyanjuong
Hati tapikek badan tabuang.

Gadih Singkuang ado bamarga
Asal muasal dari Mandaelieng
Sampeikan niat barumah tangga
Gadih Singkuang ambo pasuntieng.

( SRY – 200611 )

Gadih Bintueh
Oleh : Shaff Ra Alisyahbana Dt Malako

Tasangkuik hati gadih Bintueh
Asakan dapek bialah tandeh
Makasuik sampei hati pueh
Dapek pasangan ka induok bareh

Gadih Bintueh pandei marendo
Manyulam manarawang cinto
Kasieh sayang samo dibolo
Hiduik kaka ba rumah tanggo.

Reff... Gadih Bintueh hati tadayuok
Cinto lakek sayang tatangguok
Dirumah tanggo kito lungguok
Pasangan hidui sampei isuok

Oh.... Tuhan sampeikan pasan
Ka gadih Bintueh di Pantei Barat
Kironyo cinto kasampean
Supayo rindu indak malarat

( SRY – 200611 )

Gadih Buburan
Oleh : Shaff Ra Alisyahbana Dt Malako

Lah hilie mudiek cari hiburan
Sampei – sampei ka Pantei Barat
Hati ta pikek ka gadih Buburan
Rindu di dagang nan mularat

Gadih Buburan pa ubek rindu
Parangei nan tahu di malu
Sopan santun pikiran maju
Suko marendo kain jo baju

Reff... Gadih Bintue hati tapikek
Siang malam salalu ingek
Mungkin bisa manjadi sasek
Kalou mukasuik indak dapek

Angin nan lalu bo kirim salam
Ka gadih Buburan di Pantei Barat
Rindu nan kinin makin mancakam
Ubeknyo tantu ba pesta adat

( SRY – 200611 )

Gadih Kunkun
Oleh : Shaff Ra Alisyahbana Dt Malako

Pagi hari tagak tatagun
Ingek si gadih Kunkun
Bulie pai di baok raun
Asa jaan dilua tuntun

Elok parangei si gadih Kunkun
Bukan cando si ameh paun
Sia mancaliek tagak tatagun
Tapi jangan baok malamun

Reff.. Gadih Kunkun rancak manawan
Elok baso murah kucindan
Pandei batanun di pamedangan
Suko marendo kain jaiktan

Gadih Kunkun di pantei Barat
Mambuek hati ko jadi mularat
Ayah Umak jodohkan ambo
Jo gadih Kunkun nan ambo cinto

( SRY – 210611 ).

Gadih Sinunukan
Oleh : Shaff Ra Alisyahbana Dt Malako

Ondei gadih Sinunukan
Rupo elok putieh kunieng
Induok bareh bulie sapadan
Bilo ko dapek ka di suntieng

Jilah kulik gadih Sinunukan
Kampuong Sumuo kato urang
Bia di lakik jo pajalanan
Tampuong di umuo kalo panjang

Reff.. Duhei adiek gadih Sinunukan
Rajin manyulam jo manjaik
Niat di hati tolong sampeikan
Makin mandalam jadi panyakik

Andei mukasuik kasampeian
Nan jo gadih Sinunukan
Bia di rajuik kasieh jo sayang
Sasampei hiduik carei tumbilang

( SRY - 210611 )

Gadih Tabuyuong
Oleh : Shaff Ra Alisyahbana Dt Malako

Masuok muaro Kualo Tunak
Pai bajalan ka pantei Barat
Maraguok cinto kini takahak
Apoko badan nan kanei syarat

Gadih Tabuyuong di pantei Barat
Sungguoh rancak kambang ibarat
Tadayuok hati di bueknyo
Diri ko alah jatuoh cinto

Reff.. Ondei adiek gadih Tabuyuong
Hati ko kini alah tasanjuong
Hari sanjo duduok bamanuong
Mangana adiek yo diek kanduong

Gadih Tabuyuong balasuong pipik
Dalam kampuong suko bapingik
Lakek dukuo rupiah jo ringgik
Caliek di tingkok nan tasunggigik

( SRY – 210611 )

Gadih Palak Taleh
Oleh : Shaff Ra Alisyahbana Dt Malako

Dari Pulasan ka Batu Tuanku
Singgah sabanta di Kampuong Sawah
Babagei alasan indak katuju
Tapi cinto ko alah tadorong bana

Ondei gadih di Palak Taleh
Rajin marambah jo manabeh
Satiok hari pai bakureh
Gadih nan indak pamaleh

Reff.. Ohh....... gadih Palak Taleh
Makasuik ko kinilah jaleh
Ambo kini nandak sumando
Ayah jo Umak nan alah suko

Gadih Palak Taleh nan rancak
Gadih nan indak suko malagak
Pandei batanak nan jo bakacak
Sapadan ka jadi umak anak

( SRY – 210611 ).

Gadih Taluok Balei
Oleh : Shaff Ra Alisyahbana Dt Malako

Ondei gadih Taluok Balei
Pandei malenggang si ganjuo lalei
Mambuek diri batambah sasei
Hati lakek sayang maungkei

Rancak gadih si Taluok Balei
Pandei marendo ja manyulam
Bilo cinto na ka sampei
Pado manahan rindu dandam

Reff.. Taluok Balai Sundutan Tigo
Kawalan rimbo sikaduduok
Mangko sansei ambo disiko
Sorang nak gadih alah tadayuok

Gadi Taluok Balei rancak bamayo
Cando bulan bapaga bintang
Bilo ka sampei hasrat di cinto
Baok banikah baralek gadang

( SRY – 190411 )

Gadih Sundutan Tigo
Oleh : Shaff Ra Alisyahbana Dt Malako

Taluok Balei Sundutan Tigo
Rancak panteinyo si Batu Ruso
Dagang sansei dek karano cinto
Gandak sanseinyo hati nan seso

Ondei gadih Sundutan Tigo
Tarimo dagang pinangan ambo
Hati bangih badanlah seso
Hati tagamang indak batarimo

Reff... Tarimolah dagang nan sansei
Sansei diseso dek jatuoh cinto
Apo nan kusuik bisa salasei
Bilo tacapei barumah tanggo

Gadih rancak Sundutan Tigo
Hati bakucak kasieh manyeso
Tarimolah diek pinangan ambo
Hiduik sarumah barumah tanggo

( SRY – 190410 )

Gadih Batu Sondat
Oleh : Shaff Ra Alisyahbana Dt Malako

Dari Batahan arah ka Salatan
Jauoh bajalan musafir cinto
Hati tatahan gadih nan gondan
Tuah diajan jo reso pareso

Oh.....gadih Batu Sondat
Hati ko kini manjadi larat
Tapauik kasieh ka nan jombang
Cinto lah lakek ka adiek sorang

Reff.. Bilo ko cinto jadi diungkei
Gadih Batu Sondat nan langkei
Diungkei kato kirim talangkei
Maminang adiek oh ya maulei

Gadih nan ramah murah kucindan
Taat ibadah rajin sumbayang
Hasrat hati ko tolong sampeikan
Ka palaminan nan kito hadang

( SRY – 170710 )

Gadih Batu Mundam
Oleh : Shaff Ra Alisyahbana Dt Malako

Hati nan mabuok jo rindu dandam
Dakek nak gadih di Batu Mundam
Lamo taragak yo nan di param
Tabayang-bayang siang jo malam

Gadih manih di Batu Mundam
Rajin marendo nan jo manyulam
Hati lakek rindu mandalam
Bagai ditikam unak jo rukam

Reff... Batang Kapeh ka Batu Mundam
Sayang lapeh rindu mancakam
Salam bakirim di angin malam
Mato nan nyalo indak tapajam

Sairieng salam ka gadih manih
Larek bacinto di batin manangih
Sudah tuei diek kito sampeikan
Basandieng duo di palaminan

( SRY – 190710 )

Gadih Sijantuong
Oleh : Shaff Ra Alisyahbana Dt Malako

Bukan ambo nan manyanjuong
Tapi hati alah tasanduong
Jo anak gadih Sijantuong
Hati ko kini alah tagantuong

Gadih Sijantuong suko batani
Kasawah ladang batanam padi
Manggaro cinto juwek-juwek kasieh
Tiok basuo hati nan balasieh

Reff... Putui hati tajatuoh jantuong
Satiok hari rindu ditangguong
Pabilo nak gadih Sijantuong
Dibaok tabang ka di gungguong

Gadih Sijantuong pandei manjaik
Jo urang kampuong ba sopan santun
Gadang mukasuik cinto di lakik
Ito baralek diek di ujuong tahun

( SRY – 170709 )

Gadih Tompek
Oleh : Shaff Ra Alisyahbana Dt Malako

Kini hati ko lah lakek
Sorang gadih dari Tompek
Rancak manih jo kamek
Nan putieh kunieng lansek

Gadih Tompek pandei malenggok
Saban patang kami basobok
Ramah tamah nan indak akok
Bisa dagang bajuo dari pokok

Reff... Gadih Tompek si induok bareh
Hati malakek indak ka rareh
Buah kasieh harokpan mandeh
Pandei karajo sanang bakureh

Tabujuo lalu tabulintang patah
Kok indak dapek si gadih Tompek
Abih usaho jo abih lah aka
Di bulan muko deik kito baralek

( SRY – 220611 )

Gadih Batang Kapeh
Oleh : Shaff Ra Alisyahbana Dt Malako

Oh Gadih Batang Kapeh
Bulieh ko mukasuik lapeh
Alah lamo ambo cinto
Bilo ko kito basuo

Sajak pai ka pantei Barat
Basuo di tapi pantei
Badan ko jadi mularat
Cinto nan indak sampei

Reff... Gadih Batang Kapeh
Hati sadang tandeh
Sayang tambah maleleh
Kasiehpun sadang mahampeh

Gadih nan elok baso
Muluik manih kucindan murah
Pabilo ko tibo maso
Pincalang kasieh bajalan titah

( SRY – 220611 ).

UDA SHAFF RA

NASKAH LAGU SINDEN MESIR RANAH NATA

( 28 ) UDA SHAFF RA
Oleh : Ria Sitty Chaniago

Uda Shaff Ra ..oi uda Shaff Ra
Baris datang mambaok cinto
Cando baboa si kue bika
Ateh bawah di apik baro

Uda Shaff Ra si Bujang Nata
Galak tasengieng indak pa ota
Suko bagaul jo ramah tamah
Paga Nagari si kumbang laba

Reff.. Tibo alek hajat jamuan
Tampek hidangan jo makanan
Makan barapak jo baradat
Uda Shaff Ra contoh ibarat

Uda Shaff Ra rancak junjuongan
Tampek balinduong si induok bareh
Indak pajudi jo mabuok minuman
Pandei macari jo lincah kureke

( SRY – 120908 )

( 18 ) PITUAH DATUOK
Cipt.Shaff Ra Alisyahbana

Danga lah danga pituah Datuok
Pasan kapado rakyat panduduok
Kamanakan anak sarato cucu
Ipa bisan pambayan jo minantu

Dapek pusako tanah pasukuan
Tanah ulayat kampuong nagari
Susuok tanami salo tanaman
Baka hiduik sapanjang hari

Reff.. Tapi kini apo ta jadi
Tanah di ampuoh di jua bali
Dek di kampuong pandatangpun jadi
Akienyo kito manjadi kuli

Tanah warisan si nenek muyang
Untuok ba sawah ba kabun ladang
Paragie Tuhan panupang hiduik
Bukan di jua atou di puluik
( SRY – 011108 )

( 19 ) GADIH MALKUN
Cipt.Shaff Ra Alisyahbana

Denai gadih nan malang
Dari ketek Ayah ba pulang
Sanak sudaro alah hilang
Tingga denai diri surang

Surek Pambaco di Majallah
Panjimas jo Al – Muskimun
Di baco minantu di Madinah
Itulah nasib si Gadih Malkun

Reff.. Duo windu lamo bapisah
Kini tibo maso ba tamu
Banduang ratok di Ayia Tawa
Hati nan gadang ba camua rindu

Ayia Manih si Malin Kundang
Tampek denai mandi baranang
Kini larat di Pulau Tamang
Kayuahkan nasib jo uda saying

( SRY – 011108 ).

( 20 ) CANCEBO
Cipt.Shaff Ra Alisyahbana

Kok babuni unggeh cancebo
Tando kito alah ba buko
Mangarajokan ibadah puaso
Parentah Tuhan nan Kuaso

Dari shubuoh kito puaso
Sasudah makan kukuok ayam
Kok lah kambang bungo pitulo
Badarang kiro ba buko shiyam

Reff.. Ado puaso iruok – iruok
Siang hari singkok pariuok
Purak-purak inyo mangantuok
Bukak tuduong ayie di raguok

Puaso tando urang ba iman
Memang itu di panggie Tuhan
Kok puaso indak dijalankan
Tiko Hari Rayo dak di satokan

( SRY = 210808 )

( 21 ) B I N T A L A K
Cipt.Shaff Ra Alisyahbana

Ka bukik ba gulieng ayie
Ka lurah ba anak sungei
Itulah patitieh nan ta ukie
Dari daolu patokkan mule

Ka ateh indak ba pucuok
Ka bawah indak ba urek
Tanah ulayat indak batukuok
Susuikpun tido ka di buek

Reff.. Jikok sawah ba pamatang
Kalou ladang ba bintalak
Itulah ukuo nan di pasang
Sipadan indak bulie di anjak

Batas ulayat tando alami
Kok lokasi tando buektan
Tanah ulayat pelok lokasi
Tantu tajadi pacakak “an

( SRY – 240808 )

( 22 ) SUMANDO
Cipt.Shaff Ra Alisyahbana

Kok masuok ka pintu haduong
Alah duduok di kasuo pandak
Adat istiadat musti di jujuong
Urang sumando ba niniek mamak

Urang sumando kacang miang
Mambaok gata kalansang
Urang sumnado langou hijou
Tapanja bangan inyo ba pirou

Reff.. Kalou sumando nandak di asak
Tagakkan lakeh susuok lantak
Kak tingga di rumah mintuo
Jadi sumando kito salamonyo

Urang sumando lapiek buruok
Harato bando indak ba tukuok
Sumando niniek mamak nan iyo
Sudaro manjadi dosanak kito

( SRY – 220808 )

( 22 ) PAGA KANDANG
Cipt.Shaff Ra Alisyahbana

Alah biaso sajak daolunyo
Bataranak indak ba kandang
Rumah tango bak itu pulo
Indak bapaga ba pamatang

Banyak rumah indak ba paga
Banyak taranak indak bakandang
Manjadi panieng Pamarentah
Cewang nan mano ka dilarang

Reff.. Siapo nan ka di salahkan
Samo salah kaduonyo
Kayu lah punah dalam hutan
Rimbo gundul sula jadinyo

Kalou rumah alah bapaga
Kok taranak alah bakandang
Rancak rono si Ranah Nata
Kagum badacak urang nan datang

( SRY – 210808 )

( 23 ) PINCALANG KASIEH
Cipt.Shaff Ra alisyahbana

L > Oi adiek nan uda sayang
Mari kayuohkan pincalang kasieh
Lauiktan laweh kito hadang
Untuong salamat sampei ka pasie

P > Oi uda nan adiek cinto
Kayuohlah pincalang kasieh
Hati- hati jadi nangkodo
Jan sampei patah si buah kati

Reff.. L/P Badei datang jo salimbubu
Ombak gadang nan manggajuju
Angkek tumberang sauoh di jatuoh
Dilingkuong taluok kito ba labuoh

L > Rintang-rintang pincalang kasieh
Kadang-kadang ma uji cinto

P > Tanang-tanang ma hadang pasie
Sungkik jo kabie jangan lah lupo

( SRY – 210808 )

( 23 ) ORANG PINTAR
Cipt.Shaff Ra Alisyahbana

Orang pintar ada berkata
Masalah tanah di Madina
Walaupun sejengkal tanah
Ulayat adat katanya tiada

Madina bukan Kerajaan
Tapi Mandailing Natal
Ibunya Tapanuli Selatan
Keturunan Raja na Junggal

Reff … Apakah Madina luar Sumatera
Menompang di Indonesia
Kerajaan di gabung jadi Negara
Negara Kesatuan Indonesia

Orang pintar orang Negara
Kami adalah masyarakat
Tanah Air dan udara
Berasal dari tanah ulayat

( SRY – 240808 )

( 24 ) ADU SIASAT
Cipt.Shaff Ra Alisyahbana

Hati-hati memilih wakil
Membeli kucing dalam karung
Walaupun harapan secuil
Kajilah rugi di dalam untung

Pilihlah …

Pilihlah ia wakil rakyat
Budi seperti Malaykat
Kalau kursi sudah di dapat
Manusia pelayan masyarakat

Reff.. Memang banyak wakil rakyat
Sudah adakah ia perbuat
Jangan hanya cuma omong
Jadi pengusaha dan pemborong

Kalau jadi wakil rakyat
Penyambung hasrat masyarakat
Bukan jadi pembela aparat
Jadi jagoan mengadu siasat

( SRY – 240808 )

( 25 ) KUDO NAPASU
Cipt.Shaff Ra Alisyahbana

Gajah ba gajah-gajah
Pilanduok mati ta impik
Dek karano mancari gaya
Urang lain nan ka di picik

Taka bak cando sipuluik
Di tanak jadi bareh carei
Awo dunie ka di ikuik
Tantu awak ba tepei-tepei

Reff .. Dikacak langan bak langan
Awak pipik di sangko anggang
Tantu tasangkuik di karangkungan
Awak kombolan cimeeh datang

Lah tadorong padi ka bancah
Ta tumbuok biduok ka tabieng
Kok lah sipat antanh baa ka baa
Co kudo napasu nan malengkieng

( SRY – 120908 ).

( 26 ) RACUN KAMEO
Cipt.Shaff Ra Alisyahbana

Anduok Nata sangkuik Singkuang
Puta sikurup Batu Mundam
Duduok sabanta sambuik piluang
Buka siludup mason an silam

Olak olei urang Tabuyuong
Iru – iruan urang Batahan
Alah mulei urang di kampuong
Buru-buruan mambukak lahan

Reff.. Anduok Nata sangkuik Singkuang
Olak olei urang Tabuyuong
Isuok baka hiduik tabuang
Aka takulei dagang takuruong

Puta sikurup Batu Mundam
Iru-iruan urang Batahan
Ulah siludup siang jo malam
Karu-karuan dagang tatahan

( SRY – 240808 )

( 27 ) JALUOH – JALUOH DOSO
Cipt.Shaff Ra Alisyahbana

Bancano-bancano di mano-mano
Musibah salalu datang batimpo
Apoko kito kini alah lupo
Apo buek salah nan salamo ko

Panggusuran marajo lelo
Tanah ulayat di bagi-bagi
Milik Allah nan Maha Kuaso
Indak bisa di pajua bali

Reff.. Lampu padam miak dak ado
Mato pancarian ungang pulo
Ago naiek kepieng dak ado
Ulayat diambiek dek pangusaho

Koor ….
Hak rakyat kini di lapa-lapa
Hinggo hiduiknyo kini takapa
Dek ulah banyak kepieng investor
Bisa mangatur ka kantor- kantor

Kini banyak jaluoh-jaluoh doso
Hape computer,internet jo sidi
Indak payah mancaliek nan porno
Dari gambar hinggo ka ujuik asli

( SRY – 250808 )

( 27 ) R A O
Cipt.Shaff Ra Alisyahbana

Ala basuo timbako ju pucuok
Ditambah loting mangko manjadi
Kalou Nagari indak di susuok
Timbako pucuok loting ka di cari

Didalam Baralek Seni Budayo
Ado nan bisa jadikan contoh
Main Sinduang jo Tari Salapan
Itulah lambing tando parsatuan

Reff.. Ado Aceh,Melayu Minang jo Rao
Bugih Palembang na jo Bengkulu
Sado suku bagabuong di dalamnyo
Dalam seni budayo sadonyo basatu

Ratok Anduong jo Onang-onang
Itulah RAO di Ranah Nata
Madailieng campuo jo rang Minang
Rao di dalam seni budayo

( SRY – 120908 ).
( 11 ) KAWIN SIPATU
Cipt.Shaff Ra Alisyahbana Arr.Adi CS
Voc.Asdiana Tabuy & Sry Wardahningsih

Batu Bakudung ing Batumu7ndem
Ikulah pasir ing Kecamatan
Untung rugi sing serem
Muara Karan papan panggonan

Songolas sangang puluh
Waktu Ebtanas dino ketelu
Banjir gede iku rusuh
Jembatan Karan putus telu

Reff .. Sipatu kakan punyo Suwono
Sipatu keda punyo Suyati
Kawin Sipatu di pelok tando
Untuok mangana nan ta jadi

Suwono Suyati weduk lan lanang
Krungo lonceng muni kentongan
Ing muara awak ‘e nyebrang
Sepasang siswo dadi korban

( SRY – 190705 )

( 12 ) RATOK NASIB
Cipt.Shaff Ra Alisyahbana Arr.Adi CS
Voc. Esa Cipta Adelina & Ummi Habibah

Ayah ……Umak , calieklah nasib ambo ko
Nan hiduik kini… tambah marano….

Pondok ketek atok rumbio
Lantei nibuong dindieng palupuoh
Disiko di tinggakan Bundo
Banasib malang bahati rusuoh

Indak ado tampek bagantuong
Sanak indak mularat pulo
Kamano di ranangkan untuong
Manampuong nasib nan malang ko

Ya ALLah… tabahkan hatiko
Tampekkanlah kaduo urangtuo ambo di dakek Mu Yaa Allah

Reff.. Ya Allah Tuhan nan Kuaso
Tabahkan hati ambo ko
Waloupun pai Ayah jo Bundo
Kironyo ado urang nan ibo

Santano ado urang mambutie
Mnolong nasib diri ambo
Mungkin isuok baleh kok bulie
Bia di sangko jadi rang tuo

Dalam ratok nasib ambo ko
Pintak ka dakek urang bapunyo
Uluokan tangan bagi razaki
Panyambuong hiduik hari ka hari

( SRY- 270205 ).

( 13 ) SHAFF RIA
Cipt.Shaff Ra As. & Ria Sitty Chan Arr.Adi CS
Voc.Imwar R.Amanda

Shaff……Ria…,bagaikan kembang warna hijau
Sukar di cari di taman bunga…..

Shaff Ria oh dik Shaff Ria
Gadis Nata mirip India
Kulit nan sawo matang
Rambut nan ikal mayang

Shaff… Ria oh..dik Shaff Ria

Rupa elok hidung mancung
Dagu bagai lebah tergantung
Bibir merkah bak limau Bali
Betis bernas si perut padi

Shaff… Ria oh..diek Shaff Ria…..

Reff.. : Pipi bagai pauh dilayang
Suka merenda menerawang
Tak suka pergi bertandang
Selalu ingat akan sembahyang

Shaff Ria gadis Ranah Nata
Alis bagai semut beriring
Bintang Timur sedang menyala
Suka senyum gelak tersungging

( SRY – 030106 )

( 14 ) GEREP
CIPT.Shaff Ra Alisyahbana Arr.Adi CS
Voc.Esa Cipta Adelina & Sry Wardahningsih

Calieklah..oh mak iyo nasib diri ambo..
Sajak Ayah alah barangkek…

Anak > Calieklah mak kawan sapangkek
Pai sikolah tuntuik alemu
Sajak Ayah pai barangkek
Upiek litak sato mambantu

Umak > Dulu umak tangah sikolah
Ba baka gerep samo batu
Kini banyak buku ba jua
Kepieng dak ado, ba a tu.

Anak > Malang nasib paningga ayah
Sampei kini indak ba sikolah
Untuong lah dek Pamarentah
Inyo dirikan Paket A.

Umak > Bialah umak mamilie lauok
Ma ayak kerang di tapi pasie
Eloklah cari ka baka isuok
Kironyo Upiek mambaok hasie

( SRY – 030106 )

( 15 ) BUNGO KIBOT
Cipt.Shaff Ra Alisyahbana

Ambo si bungo kibot
Ma hibur sanak panonton
Bia sanak ado manyorot
Ambo hanyo manuruik sikon

Goyang ambo kurang keren
Rantak bukan cando rang tenggen
Apo guno manjua pusek
Ba baju sampik kurang saketek

Reff.. Bia ambo jua suaro
Asa riang sanak sudaro
Adat limbago musti di jago
Jangan mancorieng seni budayo

Kok dituruik napsu salero
Elok trippimng sarato disko
Lalu tasingkie adat budayo
Abih kikih di lando bancano

Oi dosanak sa samo bungo
Jua iman sarato ugamo
Adat budayo di paliharo
Walou dak keren tapi baguno

( SRY – 070404 )

( 16 ) MARENDO CINTO
Cipt.Shaff Ra Alisyahbana
Jawaban lagu Ratok Pasandiengan
Sakian lamo marajuik sayang
Sulaman kasie marendo cinto
Uda bo cinto kinin tabayang
Siang jo malam rasian tibo

Memang uda panah ba kato
Dak mungkin uda ka junjuongan
Dek karano adiek di paso
Ka anak mamak nan di jodohkan

Reff.. Mancaliek uda ma agie kado
Mamanjek kanieng si ayie mato
Dek karano jodoh di paso
Takuik durako ka ayah bundo

Walou cinto indak ba jodoh
Ba papek rueh nan samo buku
Untuong isuok da kito basuo
Manjalin cinto baliek ba satu

( SRY – 011108 )

( 17 ) PLASMA CINTO
Cipt.Shaff Ra Alisyahbana

Oi uda pangusaho cinto
Kuasoi lahan ulayat kasie
Uda hanyo panguaso sumando
Plasma cinto elok di sisie

Jikok uda kuasoi lahan sumando
Pelok plasma cinto tando pusako
Rumah tuo sisik sarato jo salo
Itu tando hiduik barumah tango

Reff.. Uda pangusaho cinto
Indak bukak plasma cinto
Hanyo uda di biliek ba kuaso
Uda malangga adat jo sumando

Kok nandak bakuaso panuoh
Tagakkan pondok walou palupuoh
Hati sanang indaj lah rusuoh
Plasma cinto kambang jo tumbuoh

Pondok palupuoh si susuok lantak
Tampek kito ba ranak pinak
Dapek paragie dari panguaso
Plasma cinto tandonyo sumando

( SRY – 171008 )
( 10 ) BUNGKUI TARAWANG
Cipt.Shaff Ra Alisyahbana Arr.Adi CS.
Voc. Fadhlan Syukri & Budi Rahman Nst.

Kini tingga kanangan
Adiek pai jo urang
Tando mato nan di agiekan
Sahalei bungkui tarawang ) 2x

Sajak uda adiek tinggakan
Hati ko kini ba tarawang
Cinto adiek dak ta lupokan
Siang malam tabayang-bayang

Reff.. Santano jodoh lah orong
Bia kito cinto di ulang
Uda maapkan nan lah tadorong
Asakan jangan lapeh ka urang

Bialah uda tarimo cinto
Babaliek adiek ka ambo
Itulah cinto pidayo jodoh
Sayang ka adiek sabana iyo

Jikok adiek jadi babaliek
Uda suruoh talangkei tibo
Ayah Bundo ba hati baiek
Di bulan Haji ma anta tando

( SRY – 240204 )

Produksi SRY RECORD RANAH NATA ( ALBUM DUO RANAH )

( 11 ) KAWIN SIPATU
Cipt.Shaff Ra Alisyahbana Arr.Adi CS
Voc.Asdiana Tabuy & Sry Wardahningsih

Batu Bakudung ing Batumu7ndem
Ikulah pasir ing Kecamatan
Untung rugi sing serem
Muara Karan papan panggonan

Songolas sangang puluh
Waktu Ebtanas dino ketelu
Banjir gede iku rusuh
Jembatan Karan putus telu

Reff .. Sipatu kakan punyo Suwono
Sipatu keda punyo Suyati
Kawin Sipatu di pelok tando
Untuok mangana nan ta jadi

Suwono Suyati weduk lan lanang
Krungo lonceng muni kentongan
Ing muara awak ‘e nyebrang
Sepasang siswo dadi korban

( SRY – 190705 )

Produksi SRY RECORD RANAH NATA ( ALBUM DUO RANAH )
( 8 ) NASIB RANAH
Cipt.Shaff Ra Alisyahbana Arr.Adi CS.
Voc. Imwar R.Amanda & Budi Rahman Nasution

Wakatu Ranah ka Ayie Bangih
Jaman konteler si Multatuli
Ranah Nata alah sarasih
Adat budayo sarato seni ) 2x

Dari Tapsel ka Madina
Pabilo jadi Ranah Nata
Lah abih hasie baok ka lua
Urang Nata indak batanah ) 2x

Reff.. Di darek tandeh kanei tabang
Di lauik anah kanei pukek
Rakyat kini manggalabang
Alah langang urang barangkek

Oi dosanak cadiek jo pandei
Tagakkan lakeh si Ranah Nata
Mak kito jan tambah sansei
Bolo Kabupaten Ranah Nata

( SRY – 080505 ).

( 9 ) UPIEK KETEK & MULTATULI
Cipt.Shaff ra Alisyahbana Arr.Adi CS
Voc. Fadhlan Syukri & Irwansyah Putra

Padso jaman Ulando
Taun lapan baleh ampek duo
Ulayat Sunduiktan Tigo
Sorang kontler lah jatuoh cinto

Reff.. Upiek Ketek
Anak gadih sorang Datuok
Indak banyak kecek
Bak galundang dalam galuok

Sunduiktan Tigo
Kawalan Rimbo Sikaduduok

Tampek ba kabun lado
Koum panjajah nan malungguok
Konteler Ulando
Takilek ikan dalam lubuok

Konteler Ulando Multatuli
Jatuoh cinto ka Upiek Ketek
Kijok mato man jadi-jadi
Dek karam mangko basintuoh jangek

Upiek Ketek taat Ugamo
Indak bak cando gadih kini
Walou konteler jatuoh cinto
Adapt Ugamo mamaga diri

( SRY – 131198 ).
( 7 ) SAMPAN CINTO
Cipt.Shaff Ra Alisyahbana Arr.Adi CS
Voc.Jeje Kaslina/Irwansyah P. & Ummi H./ Adi CS.

P > Oi uda nan ambo cinto )
Marilah kito ba sampan cinto ) 2x

L > Oi adiek nan ambo cinto )
Pailah kito diek manyubarang ) 2 x

L/P > Badayuong sampan kito baduo )
Layiekan kasieh ka pulou cinto ) 2x

L > Kayuohkan kasieh di lauik sayang
Mahadang apsie di pantei cinto
Jikok nasib manimpo malang
Basianyuik diek kito ba duo

P > Kito bado’a ka bakek Tuhan
Sampan cinto jadi tambangan
Jikok pincalang nan di dapekkan
Kayuoh sampei pantei tujuan

( SRY – 070605 )

Produksi SRY RECORD RANAH NATA ( ALBUM DUO RANAH )
Cipt.Shaff Ra Alisyahbana Arr.Adi CS
Voc. Mardin Alwi Lubis

Induok-induok pakei tingkuluok
Nan gadih-gadih mamakei jilbab
Tiok padusi mustilah tunduok
Muslimah nan batangguong jawab

Jilbab dipakei koum padusi
Umpamo barang dalam lamari
Tampek elok harago tenggi
Payah dijamah iseng pambali

Reff.. Sanak ambo koum padusi
Pakeilah jilbab sa tiopk hari
Tingkuluok atoupun salendang
Samo wajibnyo jo sumbayang

Koord Jilbab jangan jadi lambang )
Pambungkui tingkah nan dilarang ) 2x

Jilbab dipakei awakpun sopan
Urang marayu jadi anggan
Awak taati parentah Tuhan
Tapi jilbab bukan hiasan

( SRY – 010206 )

Produksi SRY RECORD RANAH NATA ( ALBUM DUO RANAH )
( 5 ) MANJUJUO
Cipt.Shaff Ra Alisyahbana Arr. Adi CS
Voc. Sry Wardahningsih & Imwar R.Amanda

Bayo Nata marboru Mandily
Adat sumando istilah jujuran
Kadang tersua hukum di cari
Hukum Agama turut aturan

L > Oi adiek boru Batubara
Suko sanyum tasengieng ramah
Ambo mukasuik baok ka Nata
Bia di jujuo kito ba nikah

P > Ale abang si Bayo Nata
Maksud ni abang u tarimo
Ro manyapai tu ama ina
Pala dung hita sapangalaho

L > Jikok jadi kito ba nikah
Kamano adiek na ka di bao
Malu rasonyo baok ka rumah
Pantang bini baok ka bako

P > Sangoni juo do di hami
Adaboru tu bagas ni dalahi
Dibagas tempat ni alak lai
Muda marbagas di oban suami

L > Kita kini satu keluarga
Tuk membina Keluarga Sakinah

P > Jika rezeki di beri Allah
Dirikan rumah yang sederhana

( SRY – 050899 )

Produksi SRY RECORD RANAH NATA ( ALBUM DUO RANAH )
( 4 ) DUO RANAH
Cipt.Shaff Ra Alisyahbana Arr. Adi CS
Voc. Jeje Kaslina/F.Syukri & Ummi H./Budi R.Nst

P > Denai nan dari Ranah Minang
Ayia Manih si Malin Kundang
Jikok uda datang maminang
Urang tuo den bahati sanang

L > Ambo nan dari Ranah Nata
Surambi Makkah Sirat Madina
Di pinang adiek untuok banikah
Barumah tango hiduik sakinah

Reff Duo Ranah kini batamu
Mamadu kasieh ba rumah tango
Ka Ayia Manih ba bulan madu
Ka Pulou Pisang cinto mambaro

(kembali kehal 1 )

P > Sajuok rasonyo sumando sapadan
Adat jo baso samo limbago
Suku Rao jo Suku Chan
Baralek gadang lapeh lapeh salero

( SRY – 150204 )

Produksi SRY RECORD RANAH NATA ( ALBUM DUO RANAH )
PANTAI BARAT
Cipt.Shaff Ra Alisyahbana

Pantai Barat namo Ulayat
Ranah pasisie subalah Barat
Singkie Nata Siboga Pasaman
Dari Meulaboh ka Olok Pandan

Pantai Barat Ranah Pasisie
Ulayat Ranah di tapi lauik
Subalah Barat pulou di dunie
Itu ulayat nan di sabuik

Reff Pantai Barat di Madina
Itulah Ulayat Ranah Nata
Dari lambah Sorik Marapi
Ka ombak badabuoh di tapi pasie

Di antaro Batu nan Ampek
Batu Mundam Batu Bakuduong
Batu Gajah daerah mudiek
Ka tapi lauik pasisie ujuong

( SRY – 08072009 )

RATOK PALAUIK
Cipt.Shaff ra Alisyahbana

Manjalang subuoh tariek salimuik
Pai ka lauik tabaok baka
Ashar Mugarib sadang balaruik
Luruoh ilang tasaok Isya.

Mugarib Isya lapehkan litak
Duduok sabanta lalu tiduoh
Pabilo diri malapeh pintak
Hanyo sabanta awak bakumpuoh

Reff Siang bapaneh malam barambun
Kadang di ayun ombak jo badei
Sambie ba lagu mamintak ampun
Limpahkan rakat mak jan sansei

Ratok Palauik anak nalayan
Jauoh batuka jo maso lalu
Dapek sahari untuok sa pakan
Kini ba rakat nan indak tantu

(SRY – 08072009)

TANDO ALAMI
Cipt.Shaff Ra Alisyahbana

Ranah Nata tando alami
Dari daolu sampei kini
Balaku satiok hari
Indak bisa di mungkiri

Caro mangaji di Mandaelieng
Ma ijo caro Ranah Nata
Itulah tando nan pentieng
Ajaran Syekh Abdul Fattah

Reff Jikok sanak di Kota Medan
Nandak pulang ka pantai Barat
Ka Batangnata pulang tujuan
Ka Ranah Nata karcis di catat

Itulah tando sajak daolu
Mangapo kini alah di sagah
Tando alami alah ta tantu
Yo Kabupaten Ranah Nata

(SRY – 08072009)
N A S I B R A N A H N A T A
Cipt.Shaff Ra Alisyahbana Vocal : Imwar R.Amanda dan Budi R Nst.
Arr : Adi CS Musik : SMS Sry Musiq Ranah Nata

Wakatu Ranah ka Ayie Bangih
Jaman kontolere si Multatuli
Ranah Nata alah sarasi
Adat Budayo sarato Seni

Dari Tapsel ka Madina
Bilo jadi Ranah Nata
Lah abih hasie baok kalua
Urang Nata indak ba tanah

Di darek anah kanie tabang
Di lauik tandeh kanei pukek
Rakyat kini manggalabang
Alah langang urang barangkek

Oi Dosanak cadiek jo pandei
Tagakkan lakeh si Ranah Nata
Mak kito jan tambah sansei
Bolo Kabupaten Ranah Nata